Семінар праводзіцца як падрыхтоўка да вялікіх стартаў раённых спабоніцтваў па беларускіх народных гульнях. Бо, ужо ў красавіку распачнецца Паўфінальны этап – уключае правядзенне спаборніцтваў на месцах. Усе 26 каманд, якія прадстаўляюць школы і гімназію Пухаўшчыны будуць падзелены на 4 групы (3 групы па 6 каманд у групе, 1 група – 8 каманд у групе). Спаборніцтвы па кожнай гульні адбудуцца ўнутры кожнай групы. Каманда – пераможца кожнай гульні (каманднай і індывідуальнай) у сваёй групе выходзіць у фінал і ўдзельнічае ў спаборніцтвах фінальнага этапа. 
Фінальны этап (пройдзе на стадыёне г. Мар’іна Горка ў траўні 2019 года) уключае правядзенне фінальных спаборніцтваў, а таксама цырымоній адкрыцця і закрыцця праекта “Беларусіяда”. У кожным спаборніцтве па кожнай гульні (каманднай ці індывідуальнай) удзельнічае каманда – пераможца ў дадзенай гульне ў сваёй групе паўфінальнага этапа. 

“Беларусіяда” – традыцыі, якімі ганарымся!