18 верасня 2019 года на стадыёне БДПУ быў дадзены старт новаму сезону спартыўна-адукацыйнага праекта “Беларусіяда”. Як і штогод на факультэце фізічнага выхавання БДПУ ў верасні праводзяцца спаборніцтвы па беларускіх народных гульнях сярод каманд першага курса. Сёлета праграма спаборніцтваў уключала 4 гульні: “Лапта”, “Пекар”, “Два агні” і “Пальчатка”. Удзельнічала 8 каманд - усе групы 1-га курса ФФВ.
Спіс пераможцаў па кожнай гульні выглядае наступным чынам: 
ЛАПТА 
1 месца - 330719 
2 месца - 330819 
3 месца - 330219 
ПЕКАР 
1 месца - 330519 
2 месца - 330319 
3 месца - 330119 
ДВА АГНІ 
1 месца - 330719 
2 месца - 330819 
3 месца - 330319 
ПАЛЬЧАТКА 
1 месца - 330319 
2 месца - 330719 
3 месца - 330519 
У агульным заліку, бронзавым прызёрам праекта “Беларусіяда 2019” стала каманда групы 330819 (два срэбных медалі); другое месца ў каманды групы 330319 (адно золата, адно срэбра і адна бронза); чэмпіёнам спартыўна-адукацыйнага праекта БДПУ “Беларусіяда” сярод студэнцкіх груп 1 курса ФФВ стала каманда групы 330719 (два першых і адно другое месца ў агульным заліку). 
Пераможца праекта 2019 года - каманда групы 330719 адразу ж кінула выклік старшакурснікам і выкладчыкам ФФВ. І ўжо 26 верасня 2019 года нас чакаюць спаборніцтвы па беларускіх народных гульнях у рамках праекта “Беарусіяда. Кубак Выкліку”, дзе будуць спаборнічаць каманда-чэмпіён 2019 са зборнымі 2, 3, 4 курсаў і выкладчыкаў факультэта, а таксама з камандай пяціборцаў г. Мінска.